Եթե սահմանափակումները չեղարկվեն, Իրանը կհետևի միջուկային ծրագրի պայմաններին․ հայտարարություն
Թեհրանը պարտավորվում է հետևել է Իրանի միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) պայմաններին, եթե Արևմուտքի պատժամիջոցները չեղարկվեն: Այս մասին հայտարարել է Իրանի ատոմային էներգիայի կազմակերպության ղեկավար Մոհամադ Էսլամին։
«Իրանը չի իրականացնում որևէ գործունեություն, որը հայտնի չէ ՄԱԳԱՏԷ-ին։ Բացի այդ, մենք առաջնորդվում ենք պատժամիջոցների չեղարկման ռազմավարական միջոցների մասին օրենքով, ուստի Իրանը շարունակելու է կատարել ԳՀՀԾ-ի բոլոր դրույթները, եթե սահմանափակումները չեղարկվեն»,- Էսլամիի խոսքն է մեջբերում ԻՐՆԱ լրատվական գործակալությունը։
«Մենք աշխատում ենք ՄԱԳԱՏԷ-ի կանոններով, որը վերահսկում է մեր ամբողջ գործունեությունը»,- ընդգծել է նա։
