Լաս Վեգասում ոստիկանությունը ձերբակալել է Թուփակի սպանության մեջ կասկածվողին

Լաս Վեգասի ոստիկանությունը ձերբակալել է ամերիկացի ռեփեր Թուփակ Շաքուրի սպանության մեջ կասկածվողին: Այս մասին գրում է Associated Press–ը:

Լրատվամիջոցի տվյալներով՝ Լաս Վեգասի ոստիկանները ձերբակալել են Դուեյն Քեֆ Դ Դևիսին, ով մասնակից է եղել 1996 թվականին Թուփակ Շաքուրի վրա կրակոցներին: Նա վաղուց հայտնի է քննիչներին, ինքը՝ Դևիսը, հարցազրույցներում և իր հուշերում՝ «Կոմփթոն փողոցի լեգենդը», խոստովանել է, որ եղել է Cadillac-ում, որտեղից գնդակահարվել է երաժիշտը: 

Ոստիկանները հայտնել են, որ տղամարդուց առգրավել են մի քանի համակարգիչներ, բջջային հեռախոս, կոշտ սկավառակ, 40 տրամաչափի մի քանի փամփուշտներ և Թուփակի հին լուսանկարները: