ՏԵՍԱՆՅՈՒԹ. Պետք է շտապ էվակուացում. այս պահին չունենք բժշկական ռեսուրս. իրավիճակը՝ Ստեփանակերտում

Պայթյունից տուժածներին շտապ պետք է էվակուացնել, հայտնում են Ստեփանակերտում: 

Հայաստանի առողջապահության նախարարության հաղորդմամբ՝ ձեռնարկվում են բոլոր հնարավոր միջոցները` ԼՂ-ում պայթյունից տուժածների տեղափոխումն օդային և ցամաքային ճանապարհով ապահովելու համար, սակայն գիշերային և եղանակային վատ պայմաններն անհնար են դարձնում այս պահին տեղափոխումը: 

«Հայաստանի մասնագետները` այրվածքաբաններն ու ռեանիմատոլոգները մշտական կապի մեջ են Ստեփանակերտի գործըներների հետ: Նրանք խորհրդատվական աջակցություն են ցուցաբերում Ստեփանակերտ-Ասկերան ավտոճանապարհի հարակից տարածքում` բենզինի պահեստում, տեղի ունեցած պայթյունից տուժածների բուժօգնության կազմակերպման հարցում»,-նշել են նախարարությունից:

Նշվում է, որ ակտիվ աշխատանքներ են տարվում ուղղաթիռի միջոցով տուժածների տեղափոխումը Հայաստան կազմակերպելու նպատակով: