
Երևանի տարբեր փողոցներից բերման է ենթարկվել անհնազանդության ակցիայի 32 մասնակից

Ժամը 09:00-ի դրությամբ Երևանի տարբեր փողոցներից բերման է ենթարկվել անհնազանդության ակցիայի 32 մասնակից։ Այս մասին հայտնում են ՀՀ ՆԳՆ ոստիկանության լրատվության վարչությունից։
Հիշեցնենք, որ վաղ առավոտից մեկնարկել են բողոքի ակցիաները, որի ընթացքում քաղաքացիները փողոցներ են փակում և այդ կերպ իրենց անհնազանդությունը արտահայտում գործող իշխանությանը։