Արցախում պայթյունի հետևանքով ավելի քան 100 մարդ ամբողջությամբ այրվել է հրդեհի ժամանակ․ Արտակ Բեգլարյան
Երեկ Արցախում բենզինի պահեստի պայթյունի հետևանքով պաշտոնապես տուժել է 290 մարդ, որոնցից տասնյակները ծայրահեղ ծանր վիճակում են. 20 մարդ մահացել է: Այս մասին հայտնել է Արցախի նախկին պետնախարար Արտակ Բեգլարյանը։
«Շատերը անհետ կորել են, ականատեսների գնահատմամբ՝ ավելի քան 100 մարդ ամբողջությամբ այրվել է հրդեհի ժամանակ:
Հայաստանից վիրավորներին տարհանելու համար բժշկական ուղղաթիռ է ժամանել»,- գրել է նա։
Քիչ առաջ հայտնեցինք, որ Արցախիում պայթյունից տուժածներին տեղափոխող առաջին ուղղաթիռը վայրէջք է կատարել Սիսիանում։
