Արցախից տեղահանվածները չպետք է ստանան «դուք այստեղ հաշվառված չեք», «պետպատվեր չունեք» պատասխանները

Արցախի տեղահանված քաղաքացիները բուժհաստատություններ դիմելիս չպետք է ստանան «դուք այստեղ հաշվառված չեք», «համակարգը ձեզ ցույց չի տալիս» կամ «պետպատվեր չունեք» պատասխանները։ Այս մասին հայտնել է ի պաշտպանություն Արցախի ակցիա իրականացնող բուժաշխատողներից մեկը`«Առողջության իրավունք» ՀԿ համանախագահ Անուշ Պողոսյանը։

«ՀՀ կառավարությունը պետք է անգամ հանձնարարական տա առողջապահության նախարարությանը, որպեսզի արցախցու անձնագիրը լինի միակ փաստաթուղթը, որի հիման վրա նրանք կարողանան բուժօգնություն ստանալ։ Վերջիններս պետք է պատշաճ սպասարկվի հիվանդանոցներում կամ օգտվել արտահիվանդանոցային ծառայությունից»,– նշել է Պողոսյանը։

Նշենք, որ վերջիններս ՀՀ առողջապահության նախարարության մոտ ակցիա էին իրականացնում, իսկ հետո Երևանի փողոցներով իրազեկման երթ են արել։