Թշնամու ներկայություն կա նաև Ստեփանակերտի թաղամասերում. Խանումյան

Թշնամու ներկայություն կա բազմաթիվ բնակավայրերում, այդ թվում՝ Ստեփանակերտի թաղամասերում: Այս մասին գրել է Արցախի տարածքային կառավարման և ենթակառուցվածքների նախկին նախարար Հայկ Խանումյանը:

«Արցախի ամենածանր օրը։ Երկիրը թշնամու կողմից բաժանված է մի քանի մասի, թշնամու ներկայություն կա բազմաթիվ բնակավայրերում, այդ թվում Ստեփանակերտի թաղամասերում։ Աջ ու ձախ տարբեր բնակավայրերից եկած տեղահանված բնակչություն։ Իրենց հարազատներին վիրավորների ու զոհերի մեջ փնտրող մարդիկ։ Հարազատների, ընկերների մասին անընդհատ լրացվող ողբերգական նորություններ»,– գրել է նա։

Ավելի վաղ հայտնել էինք, որ ադրբեջանցիները երեկվանից դիրքավորվել են Ստեփանակերտի անմիջապես մատույցներում, ինչպես նաև` բլոկ-պոստեր են տեղակայել շրջաններից Ստեփանակերտ եկող ճանապարհին: