Մակրոնն Ալիևին կոչ է անում «ապահովել ԼՂ-ի բնակիչների իրավունքներն ու անվտանգությունը»
Ֆրանսիական կողմի նախաձեռնությամբ տեղի է ունեցել Ֆրանսիայի նախագահ Էմանուել Մակրոնի և Ադրբեջանի նախագահ Իլհամ Ալիևի հեռախոսազրույցը: Այս մասին հայտնում է AFP–ն՝ վկայակոչելով Ելիսեյան պալատի հայտարարությանը:
«Մակրոնը դատապարտել է ԼՂ-ում ուժ կիրառելու Ադրբեջանի որոշումը, որը խորացրել է հումանիտար ճգնաժամը և վտանգել արդար ու կայուն խաղաղության հասնելուն ուղղված ջանքերը»,- նշել է գործակալության աղբյուրը:
Ֆրանսիայի նախագահը Բաքվին կոչ է արել «ապահովել ԼՂ-ի բնակիչների իրավունքներն ու անվտանգությունը»:
