Ալիևը պատասխանել է Բլինքենի հայտարարությանը
Ալիևը Բլինկենի հետ զրույցում իր պատրաստակամությունն է հայտնել դադարեցնել ռազմական գործողությունները և բանակցել Լեռնային Ղարաբաղի հայերի հետ, եթե ԼՂ զինված ուժերը զենքերը վայր դնեն։ Այս մասին հայտնում է Պետդեպարտամենտը։
Հիշեցնենք,որ Էնթոնի Բլինքենը ավելի վաղ ընդգծել էր, որ ռազմական լուծում չկա, և որ կողմերը պետք է վերսկսեն երկխոսությունը Բաքվի և Լեռնային Ղարաբաղում էթնիկ հայերի միջև առկա տարաձայնությունները լուծելու համար։
Բլինկենը զրուցել էր նաև Հայաստանի վարչապետ Նիկոլ Փաշինյանի հետ՝ ընդգծելով, որ ԱՄՆ-ն Ադրբեջանին կոչ է անում անհապաղ դադարեցնել ռազմական գործողությունները և վերադառնալ երկխոսության։ Նա նշել է, որ Միացյալ Նահանգները լիովին աջակցում է Հայաստանի ինքնիշխանությանը, անկախությանը և տարածքային ամբողջականությանը։
