«Բաքուն գնահատում է ՀՀ ղեկավարության քաղաքական կոմպետենտությունը և ճանաչում է Հայաստանի տարածքային ամբողջականությունը»․ Ալիև

Նախկինում Հայաստանի ղեկավարությունը հայտարարում էր, որ «Ղարաբաղը Հայաստան է», հիմա ասում են՝ «Ղարաբաղը Ադրբեջան է»,- այդ մասին իր ժողովրդին ուղղված ուղերձում հայտարարել է Ալիևը․ 

Նրա խոսքով՝ ՀՀ ղեկավարությունը քաղաքական կոմպետենտություն է ցուցաբերել ԼՂ հարցում․ 

«Ղարաբաղի հայ բնակչությունն Ադրբեջանի քաղաքացիներ են։ Մենք ցանկանում ենք հաստատել համատեղ գոյակցություն՝ հիմնված խաղաղության, փոխըմբռնման և փոխադարձ հարգանքի վրա» 

Մենք հայ ժողովրդի հետ խնդիրներ չունենք՝ չնայած բոլոր անարդարություններին, բոլոր հանցագործություններին։ Մենք հայ ժողովրդին չենք մեղադրել Խոջալուի ցեղասպանության համար։ Մենք մեղադրում ենք հանցավոր ռեժիմի ղեկավարներին,- նշել է Ալիևը։ 

Ադրբեջանի նախագահը նշել է, որ ճանաչում է Հայաստանի տարածքային ամբողջականությունը․  

«Պետք է համոզված լինենք, որ հակառակ կողմը չի ապրում ռևանշիզմի գաղափարներով։ ՀՀ ղեկավարությունը ԼՂ շուրջ իրավիճակում ցուցաբերեց կոմպետենտություն, Բաքուն դա գնահատում է»։