ՏԵՍԱՆՅՈՒԹ. 27 զոհ, 200-ից ավելի վիրավոր. իրավիճակը՝ Արցախում
Արցախի ՄԻՊ–ը տեղեկացնում է, որ 22:30-ի դրությամբ ԼՂ-ն ունի 27 զոհ, 200-ից ավելի վիրավոր:
Ադրբեջական ագրեսիայի հետևանքով զոհերի և վիրավորների տվյալներ էր ներկայացրել Արցախի Հանրապետության առողջապահության նախարար Վարդան Թադևոսյանը
«Թվերն անընդհատ փոխվում են, «Հանրապետական» ԲԿ-ում 103 ծանր, միջին կարգի և թեթև վիրավորներ են, քաղաքացիական անձինք կան բավական, ունենք հինգ զոհ, Մարտակերտից տվյալ ստացա, որ 15 վիրավորի ուղարկել են Ստեփանակերտ, այնտեղ էլ կա 5 զոհ, փորձում ենք վերջին տվյալները ստանալ Մարտունիից, որտեղ նույնպես կան վիրավորներ: 10 վիրավոր ունենք Ասկերանում, այնտեղ թիվը կարող է ավելանալ»,- ասել էր նա:
