ՏԵՍԱՆՅՈՒԹ. Ձեզ սպասվում է ասֆալտի հարուստ դիետա, էնքա՜ն բորդյուր կլիզեք. Փաշինյան

«Կրակելու, Երևանը արյունով վերցնելու մասին խոսողներին խորհուրդ եմ տալիս վերանայել բառապաշարն ու սեփական բախտը փորձել։ Սա ձեր ու ձեր կնքահայրերի համար 1999 թիվը չէ, սա հոկտեմբերը չէ, առավելևս՝ 27-ը, սա 2023-ի սեպտեմբերի 17-ն է»,-  այդ մասին «Քաղաքացիական պայմանագիր» խմբակցության նախընտրական հանրահավաքի ժամանակ ասել է վարչապետ Փաշինյանը:

«Դե բախտներդ փորձե՜ք, ձեզ սպասվում է ասֆալտի հարուստ դիետա, էնքա՜ն բորդյուր կլիզեք»,- ասել է Փաշինյանը՝ իր քաղաքական հակառակորդներին։

Նիկոլ Փաշինյանը հանրահավաքի ելույթում բացատրել է, թե ինչու Հայաստանում իրավիճակը չի կայունացել 2020 թվականին եռակողմ հայտարարության ստորագրումից հետո:

«Որովհետև ոմանք չեն հասել իրենց նպատակին` ծնկի բերել Հայաստանի Հանրապետությունը, կասկածի տակ դնել անկախությունը, ինքնիշխանությունը և պետականությունը»,- կարծում է վարչապետը։

Ըստ նրա՝ այժմ Հայաստանը վստահ քայլեր է ձեռնարկում պետականության ամրապնդման ուղղությամբ։