Հնդկաստանը դադարեցրել է Կանադայի հետ առևտրային բանակցությունները

Հնդկաստանը դադարեցրել է Կանադայի հետ առևտրային բանակցությունները որոշ հարցերի շուրջ տարաձայնությունների պատճառով: Այս մասին Firstpost պարբերականին հայտնել է Հնդկաստանի առևտրի և արդյունաբերության նախարար Պիուշ Գոյալը:

Ավելի վաղ Կանադայում Հնդկաստանի դեսպան Սանջայ Կումար Վերման հայտնել էր, որ բանակցությունները փակուղի են մտել:

Նախարարի հայտարարությունը հնչել է այն բանից հետո, երբ Կանադան չեղարկել է Հնդկաստան գնացող առևտրային առաքելությունը, որը պետք է Մումբայ ժամաներ հոկտեմբերի սկզբին: Ակնկալվում էր, որ առաքելության աշխատանքը կկենտրոնանա գյուղատնտեսության, պարենի, թվային տեխնոլոգիաների, ենթակառուցվածքների խնդիրների վրա:

«Մենք դադարեցրել ենք Կանադայի հետ առևտրային երկխոսությանը։ Պետք է համոզվենք, որ աշխարհաքաղաքական և տնտեսական առումով նույն ալիքի վրա ենք։ Որոշակի խնդիրներ, որոնք լուրջ մտահոգություն են առաջացնում, լուսաբանվել են վարչապետներ Նարենդրա Մոդիի և Ջասթին Թրյուդոյի երկկողմ հանդիպման ժամանակ», - նշել է նախարարը:

Հնդկաստանն ու Կանադան առևտրային համաձայնագրի շուրջ բանակցությունների վեց փուլ են անցկացրել։

Հիշեցնենք, որ Կանադան հայտարարել է հնդիկ բարձրաստիճան դիվանագետի արտաքսման մասին: Ի պատասխան՝ Հնդկաստանը նաև որոշում է կայացրել երկրից արտաքսել կանադացի բարձրաստիճան դիվանագետին։ Հավելենք, որ Հնդկաստանի ԱԳՆ-ն հերքում է այդ մեղադրանքները և դրանք անվանում է անհեթեթ։ Հնդկաստանը Կանադայի կառավարության հայտարարությունները համարում է ուշադրությունը շեղելու փորձ Խալիստանի ահաբեկիչներից և ծայրահեղականներից, որոնք ապաստան են ստացել։