ՀՀ ԱԳՆ-ն ասելիք չունի՞, իսկ վարչապետ Փաշինյա՞նը․ ադրբեջանագետ Տաթևիկ Հայրապետյանի գրառումը

2020 թվականի սեպտեմբերյան հարձակումից երեք տարի անց Ադրբեջանը նոր հարձակում է սկսում Արցախի դեմ՝ ռմբակոծելով քաղաքները․․․ Սա ռուս խաղաղապահների ներկայության, նոյեմբերի 9-ի թղթի առկայության պարագայում: Այս մասին  ֆեյսբուքյան իր էջում գրել է ԱԺ նախկին պատգամավոր, ադրբեջանագետ Տաթևիկ Հայրապետյանը։ 

«ՀՀ ԱԳՆ-ն ասելիք չունի՞...ոչ մի հայտարարություն, ոչ մի արձագանք, իսկ վարչապետ Փաշինյա՞նը, միգուցե գոնե թվիթերյան գրառում անի, որ այդքան զիջեց, բայց միևնույն է ոչ մի պատերազմ էլ չկարողացավ կանխել, քանի որ Ադրբեջանի ախորժակն անսպառ է...»,- գրել է նա։ 

Հիշեցնենք, որ սոցցանցերում 1 ժամից ավելի է հայտնվել են տեսանյութեր, որոնցում լսվում են թնդանոթների, կրակոցների և պայթյունների ձայներ։ Ստեփանակերտում միացվել է օդային տագնապի ազդանշանը։