Բայդենը հինգ բանտարկյալի համար տվեց 6 միլիարդ դոլար, իսկ Իրանը՝ զրո․ Թրամփ

«Բութ ինչպես խցանը»: Այսպես է մեկնաբանել ԱՄՆ նախկին նախագահ Դոնալդ Թրամփը ԱՄՆ-ի և Իրանի միջև բանտարկյալների փոխանակության գործարքը, գրում է eadaily.com-ը։ 

«Բայդենը 6 միլիարդ դոլար տվեց հինգ բանտարկյալների համար, իսկ Իրանը զրո», - ասել է Թրամփը։

Իրանի Կենտրոնական բանկի ղեկավար Մոհամմադ Ֆարզինն էլ հայտնել է, որ մոտ 6 միլիարդ դոլարը, որն ապասառեցվել էր Միացյալ Նահանգների հետ բանտարկյալների փոխանակման գործարքի շրջանակներում, հասել է Իրանի բանկային հաշիվներին: 

Հիշեցնենք, որ Իրանն ու ԱՄՆ-ն բանտարկյալների փոխանակում են կատարել, որի շրջանակներում 4 տղամարդ և 1 կին, որոնք բանտարկված էին Թեհրանում, վերադարձել են ԱՄՆ։ Վաշինգտոնն իր հերթին ազատ է արձակել ԱՄՆ-ում բանտարկված Իրանի 5 քաղաքացիների։