ՏԵՍԱՆՅՈՒԹ. «Ղարաբաղի կարգավիճակը որոշել է հենց Հայաստանը». Պուտին

ՌԴ նախագահ Վլադիմիր Պուտինը Արևելյան տնտեսական ֆորումի շրջանակներում՝ պանելային քննարկման ժամանակ, անդրադարձել է Լեռնային Ղարաբաղի հիմնախնդիր, Լաչինի միջանցքի շրջափակմանն ու այլ հարցերի․

«Ես չեմ տեսնում, թե կա ինչ-որ փոփոխություն, շրջադարձ․ մենք հասկանում ենք՝ ինչ է կատարվում։ Մենք առաջարկել ենք կարգավորման մեր տարբերակները։ Հայաստանն Ադրբեջանի հետ կոնֆլիկտից հետո վերահսկել է 7 շրջան։ Մենք առաջարկել ենք Ադրբեջանի հետ այնպես պայմանավորվել, որ Քելբաջարն ու Լաչինը մնան Հայաստանի փաստացի իրավազորության տակ, բայց Հայաստանի ղեկավարությունը դրան չհամաձայնեց, թեև մեկ տասնամյակ փորձել ենք համոզել։ Մեր հարցին պատասխանել են՝ կկռվենք։ 

Ի վերջո, ամեն բան բերեց ներկայիս իրավիճակին։ Խնդիրը միայն հետևանքները չեն, այլև այն, որ Հայաստանի ղեկավարությունը ճանաչել է Ադրբեջանի սուվերենությունը Ղարաբաղի նկատմամբ։ Մենք գիտենք այդ մասին։ Հիմա ինձ Ալիևն է ասում, որ Հայաստանը ճանաչել է, որ Ղարաբաղի կարգավիճակի հարցն այլևս չկա, որ այն լուծված է, Հայաստանի ղեկավարությունը այդ մասին հրապարակային հայտարարել է։ 

Մինչև 1991թ. տարածքը Ադրբեջանի տարածք համարելը, որում նաև Ղարաբաղի տարածք է, դա մեր որոշումը չէր, Հայաստանի որոշումն էր։ Եթե Հայաստանը ճանաչում է, ի՞նչ կարող ենք մենք անել։ Այդտեղ, իհարկե, հումանիտար հարցեր և մեր խաղաղապահների մանդատի հարցեր են ծագում, էթնիկ զտման խնդիրների հարցեր են ծագում։ Հույս ունեմ՝ Ադրբեջանի ղեկավարությունը, ինչպես իրենք են ասում, հետաքրքրված չեն էթնիկ զտումներում, այլ շահագրգռված են, որ պրոցեսը փափուկ անցնի։

Եթե Հայաստանը ճանաչել է Ղարաբաղը Ադրբեջանի մաս, ուրեմն՝ վերջ։ Այդ մասը խնդրի բանալին է, Ղարաբաղի կարգավիճակը որոշել է հենց Հայաստանը։ Այս օրերին Փաշինյանն ինձ նամակ է ուղարկել, մենք նրա հետ կապի մեջ ենք։ Ոչ մի խնդիր Հայաստանի և վարչապետ Փաշինյանի հետ չկա։ Մենք մշտական կապի մեջ ենք», - հայտարարել է Պուտինը։ 

Մանրամասները՝ տեսանյութում։