Հռիփսիմե Խուրշուդյանը 6-րդն է, Տաթև Հակոբյանը` 5-րդը. Ծանրամարտի ԱԱ
Հայաստանի ծանրամարտի կանանց հավաքականի անդամները` Տաթև Հակոբյանը ու Հռիփսիմե Խուրշուդյանը, մեկնարկեցին աշխարհի առաջնությունում:
«Արմենպրես»-ի հաղորդմամբ` Սաուդյան Արաբիայում ընթացող ծանրամարտի աշխարհի առաջնությունում պայքարի մեջ մտան 87 կգ քաշային կանայք:
Հայաստանի հավաքականի անդամ Հռիփսիմե Խուրշուդյանը պոկեց 105 և հրեց 130 կգ: Երկամարտի 235 կգ արդյունքով նա 6-րդն է:
Նույն քաշում հանդես եկող Տաթև Հակոբյանը պոկեց 105 կգ, իսկ հրում վարժությունում գլխավերևում պահեց առավելագույնը 132 կգ: Երկամարտի 237 կգ արդյունքով նա 5-րդն է:
Մինչ այս Հայաստանի հավաքականի կազմում ԱԱ-ի բրոնզե մեդալակիր էր դարձել Գոռ Սահակյանը, իսկ Անդրանիկ Կարապետյանը փոքր ոսկե մեդալակիր էր դարձել, Ռաֆիկ Հարությունյանն էլ փոքր բրոնզե, իսկ Գարիկ Կարապետյանը փոքր արծաթե մեդալակիր:
