ՊԲ ստորաբաժանումներն այսօր շան վզին չեն ամրացրել պայթուցիկ սարք և չեն ստիպել անցնել ադրբեջանական կողմ
Ադրբեջանի ՊՆ շարունակում է իրականացնել հերթական սադրանքի տեղեկատվական նախապատրաստությունը՝ արդեն հատելով տրամաբանության սահմանները։ Այս մասին հայտնում է ԱՀ ՊՆ մամուլի ծառայությունը։
Ադրբեջանի ՊՆ հրապարակած հերթական ստահոդ հաղորդագրությունն այն մասին, թե իբր ՊԲ ստորաբաժանումները սեպտեմբերի 11-ին ժամը 08։30-ի սահմաններում, շան վզին ամրացրել են ինքնաշեն պայթուցիկ սարք և ստիպել են շանն անցնել ադրբեջանական կողմ և իրականացնել «ահաբեկչական» գործողություն, ամբողջությամբ հորինված է և կեղծիք:
Նշենք, որ ավելի վաղ ադրբեջանական լրատվամիջոցները հայտնում էին, որ այդպիսի դեպք էր տեղի ունեցել: Հերթական անգամ մոլորեցնելով իրենց հանրությանը` ադրբեջանցիները իրենց տիրույթում տարածում էին այս շան լուսանկարը:
