Հաջիևը մեկնաբանել է, թե ինչու է Ադրբեջանական ԶՈՒ-ն գտնվում մարտական պատրաստվածության վիճակում
Ադրբեջանի զինված ուժերը պլանային վարժանքներ են անցկացնում աշուն-ձմեռ սեզոնին նախապատրաստվելու համար: Այս մասին Reuters-ին տված հարցազրույցում ասել է Ադրբեջանի նախագահի օգնական-նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը։
«Սա կանոնավոր պլանավորման գործընթացի մի մասն է»,- հավելել է նա՝ Հայաստանին մեղադրելով սահմանին զորքեր կուտակելու և նոր սպառազինությունների համակարգեր ձեռք բերելու մեջ։
Նրա խոսքով, Ղարաբաղում գտնվող հայկական ուժերը նույնպես դուրս են եկել իրենց զորանոցներից և բարձր պատրաստվածության վիճակում տեղակայվել առաջնագծում։
«Մեր ռազմավարությունն է՝ ճնշել և չեզոքացնել Ադրբեջանի դեմ ցանկացած զինված կամ անօրինական ռազմական գործողություն կամ սադրանք»,- հավելել է Ադրբեջանի նախագահի օգնականը։
