Մոլդովայի էներգետիկայի նախարարությունը «Գազպրոմին» պարտքը գնահատել է 709 մլն դոլար
Մոլդովայի էներգետիկայի նախարարության ղեկավար Վիկտոր Պարլիկովը հայտնել է, որ «Մոլդովագազի» պարտքը «Գազպրոմին» 2022 թվականի մարտի վերջի դրությամբ կազմել է 709 միլիոն դոլար։ Այս մասին նա ասել է մոլդովական կողմի անցկացրած աուդիտի արդյունքներով։ Նրա խոսքերը մեջբերում է ՌԻԱ Նովոստին։
«Մոլդովագազի պարտքը «Գազպրոմին» մինչև 2022 թվականի մարտի վերջը կազմել է 709 միլիոն դոլար»,- ասել է Պարլիկովը։
Ավելի վաղ Մոլդովայի նախագահ Մայա Սանդուն հայտարարել էր, որ Մոլդովայի կառավարության կողմից վարձված միջազգային աուդիտորական ընկերությունը չի բացահայտել հանրապետության պարտքը «Գազպրոմին» 800 միլիոն դոլարի չափով։
Հուլիսին Մոլդովայի էներգետիկայի նախարարը հայտնել էր, որ Քիշնևը կատարել է «Գազպրոմի» հետ «Մոլդովագազի» պարտքի աուդիտի մասին պայմանավորվածությունը, սակայն արդյունքները դեռ չեն հրապարակվի, այլ նախ վերլուծվեն։
