Ուկրաինայում կզինվորագրեն «սահմանափակ պիտանիներին»
Ուկրաինայի պաշտպանության նախարարությունն ընդլայնել է ռազմական դրության ժամանակ երկրի զինված ուժերում զորակոչի ենթակա տղամարդկանց կատեգորիաների ցանկը։
Գերագույն ռադայի էլեկտրոնային տվյալների բազայում զետեղված նախարարության հրամանի համաձայն՝ այժմ զորակոչելու են զինվորական ծառայությանը «սահմանափակ պիտանի» մարդկանց։
Այսպիսով, այնպիսի ախտորոշումներ ունեցող տղամարդիկ, ինչպիսիք են անախտանիշ ՄԻԱՎ-ը, կլինիկորեն բուժված տուբերկուլյոզը և հոգեկան խանգարումների մեղմ կարճաժամկետ ցավոտ դրսևորումները, կարող են ծանուցումներ ստանալ:
Սահմանափակ պիտանիություն ունեցողները կծառայեն կոնկրետ զինվորական մասնագիտությամբ, որը կորոշի ռազմաբժշկական հանձնաժողովը, բխում է հրամանից։
Փաստաթուղթը նաև պարզեցրել է առողջապահական պահանջները նրանց համար, ովքեր ցանկանում են ծառայել օդադեսանտային հարձակման զորքերում և ծովային հետևակում:
