ՏԵՍԱՆՅՈՒԹ. ԱՄՆ–ում հրդեհների պատճառով փակվել է նավթավերամշակման հերթական գործարանը
ԱՄՆ-ում հրդեհների պատճառով փակվել է նավթավերամշակման հերթական գործարանը:
Հրդեհը բռնկվել է նախօրեին հարավային Լուիզիանայի Marathon Petroleum նավթավերամշակման գործարանի պահեստային տանկերում: Սա արդեն երրորդ հրդեհն է, որը բռնկվում է գործարանում մեկ տարուց էլ քիչ ժամանակահատվածում, հայտնել են ընկերությունում:
Ամերիկյան լրատվամիջոցները հայտնել են, որ գործարանից քիմիական նյութերի արտահոսք է եղել։
Շրջանի պաշտոնյաները հրամայել են երկու մղոն շառավղով գտնվող բնակիչներին տարհանել:
Ավելի վաղ հայտնի էր դարձել, որ Ինդիանա նահանգի Ուայթինգ քաղաքում գտնվող BP Plc նավթավերամշակման գործարանի մեծ մասը փակվել է չորեքշաբթի երեկոյան բռնկված հրդեհից հետո:
