Heineken-ը 1 եվրոյով վաճառել է իր ակտիվները Ռուսաստանում

Հոլանդական գարեջրագործական ընկերությունը` Heineken հայտարարել է Ռուսաստանում իր ակտիվների վաճառքի մասին։ Գնորդը Ստավրոպոլից օծանելիքի, կոսմետիկայի և կենցաղային ապրանքների աերոզոլային փաթեթավորման խոշորագույն արտադրողն էր։
 

Heineken-ն ավարտել է Ռուսաստանում իր ակտիվների վաճառքը Arnest խմբին՝ ստանալով բոլոր անհրաժեշտ հավանությունները, Forbes-ին հայտնել են հոլանդական գարեջրագործական ընկերության մամուլի ծառայությունից։ 

Ըստ մամուլի հաղորդագրության, Heineken Russia-ի (Heineken United Brewery LLC) 100% բաժնետոմսերի գնման գինը կազմել է 1 եվրո: Գործարքը նաև պարտավորեցնում է գնորդին մարել ռուսական բիզնեսի ներխմբային պարտքը Heineken-ին մոտ100 միլիոն եվրոյի չափով։

Heineken-ը խոստովանել է, որ «գործարքը կհանգեցնի 300 միլիոն եվրոյի ակնկալվող ընդհանուր կուտակային վնասի»: Գործարքը չի նախատեսում հետգնման իրավունք:

Ապագայում Heineken-ի լոգոն կամ անուն չի լինի: Անվանափոխության իրավական գործընթացը կարող է տեւել մի քանի ամիս։

Գործարքի շրջանակներում Ռուսաստանում Heineken-ի մնացած բոլոր ակտիվները, ներառյալ յոթ գարեջրի գործարանները, կփոխանցվեն նոր սեփականատիրոջը: Վեց ամսվա ընթացքում նրանք կդադարեցնեն Amstel ապրանքանիշի ներքո գարեջրի արտադրությունը (Heineken ապրանքանիշը Ռուսաստանից դուրս է բերվել 2022 թվականին)։ Միաժամանակ, գնորդը երեք տարով կպահպանի մի շարք տարածաշրջանային ապրանքանիշերի արտոնագրերը, որոնք անհրաժեշտ են բիզնեսի շարունակականությունն ապահովելու և գործարքը հաստատելու համար։ Heineken-ի մամուլի ծառայությունն ընդգծել է, որ ընկերությունը չի աջակցի այդ ապրանքանիշերին և Ռուսաստանից որևէ եկամուտ, ռոյալթի կամ դիվիդենտ չի ստանա։