ԱՄՆ իշխանությունները կոչ են արել իրենց քաղաքացիներին անհապաղ հեռանալ Բելառուսից

ԱՄՆ իշխանությունները Բելառուսում գտնվող իրենց քաղաքացիներին խորհուրդ են տվել անհապաղ լքել երկիրը։ Մինսկում ԱՄՆ դեսպանատան կայքում հրապարակված հաղորդագրության մեջ նշվում է վերջերս Լիտվայի կողմից լիտվա-բելառուսական սահմանի վեց սահմանային անցակետերից երկուսի փակման մասին։ 

Ուղերձի հեղինակները չեն բացառում, որ ԵՄ երկրները մոտ ժամանակներս կարող են ավելի խիստ սահմանափակել Բելառուսից ելքը։

Միացյալ Նահանգները նաև խնդրում է իր քաղաքացիներին զերծ մնալ Բելառուս, Ռուսաստան և Ուկրաինա մեկնելուց՝ նշելով, որ արտակարգ իրավիճակների դեպքում դիվանագիտական ​​ներկայացուցչությունները չեն կարողանա նրանց լիարժեք հյուպատոսական օգնություն ցուցաբերել։