Ռուսաստանը, Թուրքիան ու Կատարը հացահատիկի նոր գործարք կկնքեն

Բուդապեշտում, հնարավոր է, Ռուսաստանը, Թուրքիան ու Կատարը հացահատիկի նոր գործարք կնքեն: Այս մասին գրում է գերմանական Bild–ը:
 

Ռուսաստանը, Թուրքիան ու Կատարն «այժմ եռակողմ համաձայնագիր են մշակում ժամկետանց պայմանագիրը փոխարինելու համար»։ Ռուսական կողմը կներկայացնի Թաթարստանի ղեկավար Ռուստամ Միննիխանովը։
 

Bild-ը նոր համաձայնագրի մասին տեղեկացել է հուլիսի 21-ից օգոստոսի 8-ը Ռուսաստանի և Թուրքիայի ԱԳՆ-ների և դեսպանատների միջև պաշտոնական նամակագրությունից, որին հասանելիություն է ստացել։ 
 

Ըստ նոր համաձայնագրի՝ ռուսական հացահատիկը գնալու է աղքատ երկրներ, հիմնականում՝ աֆրիկյան երկրներ։ Իսկ Անկարան ցանկանում է, որ հացահատիկ մատակարարվի Ուկրաինայից, ինչի կապակցությամբ Թուրքիայի ԱԳՆ ղեկավար Հաքան Ֆիդանը Ռուսաստանին խնդրել է վերադառնալ նախկին համաձայնագրին։
 

Ըստ մշակվող գործարքի՝ Թուրքիան հանդես կգա որպես Աֆրիկա ռուսական հացահատիկի մատակարարման կազմակերպիչ, իսկ Կատարը՝ որպես նրանց հովանավոր։ Անկարան առաջարկում է նաև նոր համաձայնագիրը կյանքի կոչել ՄԱԿ-ի հովանու ներքո։