Հայկական Ararat–ը ներկայացնող Pernod Ricard–ը փակում է ներկայացուցչությունը Ռուսաստանում

Pernod Ricard ալկոհոլային կոնցեռնը պատրաստվում է փակել իր ներկայացուցչությունը Ռուսաստանի Դաշնությունում: Այս մասին հայտնում է Kommersant–ը:
 

Նշվում է, որ Լորան Պիլեն, ով 2019 թվականից Pernod Ricard–ի տեղական կառույցի գլխավոր տնօրենն է, տեղափոխվել է այլ մարզ, իսկ կոնցեռնի մաս կազմող Երևանի կոնյակի գործարանը (ԵԿԳ) ղեկավարող Իգնատի Առաքելյանը կվերահսկի բիզնեսի դադարեցումը։ Կոնցեռնի ապրանքանիշերը շուկայում կմնան զուգահեռ ներմուծման միջոցով:

Ինչպես տեղեկացվում է Ռուսաստանի իրավաբանական անձանց միասնական պետական ​​ռեգիստրում՝ ԵԿԳ խմբի ղեկավար, ՀՀ գյուղատնտեսության նախկին նախարար Իգնատի Առաքելյանը օգոստոսի 8-ին դարձել է «Պեռնո Ռիկար» ալկոհոլային կոնցեռնի «Պ.Ռ.Ռուս» ԲԲԸ-ի ռուսական ներկայացուցչության գլխավոր տնօրենը: 

Առաքելյանն այս պաշտոնում փոխարինել է 2019 թվականից Ռուսաստանում ալկոհոլային կոնցեռնի ղեկավար Լորան Պիլեին։ Ինչպես նշվում է Իգնատի Առաքելյանի Linkedin պրոֆիլում, 2018 թվականից նա աշխատում է որպես Արևելյան Եվրոպայում Pernod Ricard-ի ֆինանսական և վարչական հարցերով տնօրեն։