Ստամբուլին ջրի երկու ամսվա պաշար է մնացել. ԶԼՄ
Ստամբուլին մատակարարող ջրամբարներում ընդամենը երկու ամսվա պաշար է մնացել: Այս մասին հայտնում է NTV Haber–ը: Նշվում է, որ երաշտի շարունակման դեպքում իրավիճակը կրիտիկական կդառնա։
Ստամբուլի ջրային ռեսուրսների և կոյուղու վարչության (ISKI) տվյալներով՝ ջրամբարների լցվածության աստիճանն այս պահին 33,37% է՝ ավելի քան 289 միլիոն խորանարդ մետր: Վերջին երկու շաբաթվա ընթացքում քաղաքը օրական 3-ից 3,5 միլիոն խորանարդ մետր ջուր էր սպառում։
«Քաղաքն ունի 91 օրվա ջրի պաշար, բայց եթե հաշվի առնենք, որ 25%-ը գոլորշիանում է, ապա պաշարները կբավականացնեն միայն 61 օր», - գրում է կայքը:
Իշխանության տվյալներով՝ երկու շաբաթվա ընթացքում ջրի մակարդակը նվազել է ավելի քան 4 տոկոսով։
Քաղաքապետ Էքրեմ Իմամօղլուն սոցկայքերի միջոցով կոչ է արել քաղաքացիներին խնայել ջուրը:
