Ուկրաինայում լրտեսության համար գեներալ է դատապարտվել
Կիևի Շևչենկովսկի շրջանային դատարանը 12 տարվա ազատազրկման է դատապարտել Ուկրաինայի անվտանգության ծառայության նախկին աշխատակից, գեներալ-մայոր Վալերի Շայտանովին։ Այս մասին երկուշաբթի օրը՝ օգոստոսի 14-ին, հայտնել են Ուկրաինայի ԱԱԾ և Ուկրաինայի գլխավոր դատախազության մամուլի ծառայությունները։ Շայտանովը, ով նախկինում ղեկավարել է «Ա» հատուկ գործողությունների կենտրոնը, մեղավոր է ճանաչվել պետական դավաճանության մեջ։
Գործի նյութերից երևում է, որ Շայտանովը «Բոբիլ» կեղծանունով գաղտնի կապի մեջ է եղել ՌԴ անվտանգության դաշնային ծառայության (ԱԴԾ) գնդապետ Իգոր Եգորովի հետ։ Եգորովը «Էլբրուս» կեղծանունով, եղել է 2014թ. ամռանը Դոնբասում ահաբեկչական գործողությունների օկուպացիայի և ՌԴ զինուժի տեղակայման կազմակերպիչներից մեկը։
