ԼՈՒՍԱՆԿԱՐՆԵՐ. Ավտովթար Երևան-Սևան ճանապարհին․ ուղևորի վիճակը ծայրահեղ ծանր է
Երևան-Սևան ավտոճանապարհին 52-րդ կմ-ին բախվել են «Opel» և «Lexus» մակնիշների ավտոմեքենաները, կան տուժածներ։ Հայտնում են ՆԳՆ փրկարար ծառայությունից։
«Մինչ փրկարարների կանչի վայր հասնելը՝ «Lexus» մակնիշի ավտոմեքենայի վարորդը՝ 34-ամյա Ա․Մ-ն հոսպիտալացվել է Սևան քաղաքի ԲԿ, իսկ «Opel» մակնիշի ավտոմեքենայի վարորդը և ուղևոր Լ․ Բ․-ն (ծնված 1989 թ) հոսպիտալացվել են Հրազդան քաղաքի ԲԿ»,-ասվում է հաղորդագրությունում։
Նշվում է, որ վարորդների վիճակը բժիշկները գնահատել են բավարար, իսկ ուղևորինը՝ ծայրահեղ ծանր։
Փրկարարները հոսանքազրկել են ավտոմեքենաները և փակել գազի բալոնների փականները:
