Թուրքիայի ԱԳ նախարարը Իրանի և ԱՄՆ-ի մասին հայտարարությամբ է հանդես եկել

Իրանի և Միացյալ Նահանգների ներկայացուցիչները գիտակցում են միջուկային համաձայնագրի շուրջ փոխզիջումների հասնելու անհրաժեշտությունը։ Այս մասին հայտարարել է Թուրքիայի արտգործնախարար Հաքան Ֆիդանը։

Թուրք նախարարի փոխանցմամբ՝ Վաշինգտոնն այժմ պատրաստ է ընդունել, որ Թեհրանը կարող է իրականացնել ուրանի հարստացում, սակայն հստակ սահմանված և վերահսկվող շրջանակներում։ Ֆիդանը դա գնահատել է որպես դրական զարգացում բանակցային գործընթացում։

Նրա խոսքով՝ իրանական կողմը հասկանում է, որ անհրաժեշտ է համաձայնության գալ ԱՄՆ-ի հետ, իսկ ամերիկյան կողմը գիտակցում է, որ Իրանը նույնպես ունի իր սահմանափակումներն ու «կարմիր գծերը»։

Ֆիդանը հավելել է, որ ներկայիս փուլում կողմերի մոտեցումները ցույց են տալիս փոխադարձ զիջումների պատրաստակամություն՝ միջուկային հարցի կարգավորման ուղղությամբ։