Թուրքական ավիացիան մի շարք հարվածներ է հասցրել Իրաքյան Քրդստանի տարածքին
Այսօր Թուրքիայի ռազմաօդային ուժերը մի քանի ավիահարվածներ են հասցրել Իրաքյան Քրդստանի հյուսիսում գտնվող Քրդստանի աշխատավորական կուսակցության (PKK) օբյեկտներին, որին Անկարան ահաբեկչական է համարում։ Այս մասին հայտնում է Shafaq News տեղեկատվական պորտալը։
Պորտալի աղբյուրների փոխանցմամբ՝ հրթիռակոծության են ենթարկվել քրդական ինքնավարության տարածքները, որոնք գտնվում են Դահուկ նահանգի հյուսիսում։
«Տարածքը չորս ռմբակոծության է ենթարկվել»,- աղբյուրի խոսքերն է մեջբերում Shafaq News-ը։
Զոհերի և նյութական վնասների մասին տեղեկություններ չկան։
Հիշեցնենք, որ Թուրքիան Հյուսիսային Իրաքում անցած տարվա ապրիլին ձեռնարկել էր հերթական անդրսահմանային «Ճանկեր-ամրոց» գործողությունը։ Դրա նպատակն է մաքրել շրջանը այնտեղ տեղակայված PKK-ի կողմնակիցներից։ Անկարան այս կազմակերպությունը համարում է ազգային անվտանգության գլխավոր սպառնալիքներից մեկը։ Նրա հետ հակամարտությունը շարունակվում է 1984 թվականից։
