Լավրովը կոչով դիմել է Միրզոյանին և Բայրամովին

Կողմնակից ենք, որ բոլոր եռակողմ համաձայնագրերը (1, 2, 3, 4) ամբողջությամբ ու փոխհարաբերված հարգվեն ու կիրառվեն: Այս մասին եռակողմ հանդիպման բացման խոսքում ասել է Ռուսաստանի Դաշնության արտաքին գործերի նախարար Սերգեյ Լավրովը։

Լավրովը նշել է, որ Ռուսաստանն ամբողջությամբ շահագրգռված է Հարավային Կովկասում խաղաղությամբ ու կայունությամբ։ «Կողմերի համաձայնությամբ (որը, ինչպես հասկանում եմ, հաստատվել է) մենք կշարունակենք մեր ջանքերը՝ ուղղված հայ-ադրբեջանական սահմանին իրավիճակի կայունացմանը, հումանիտար խնդիրների լուծմանը, տնտեսական ու տրանսպորտային հաղորդակցությունների ապաշրջափակմանը, ինչպես նաև քաղաքացիական հասարակության, քաղաքագետների և խորհրդարանականների միջոցով մարդկանց շփումների զարգացմանը»,- ասել է ՌԴ ԱԳՆ ղեկավարը։

«Այսօր ես կցանկանայի ձեզ հրավիրել մտքեր փոխանակելու այն մասին, թե այժմ որտեղ է Ադրբեջանի և Հայաստանի միջև խաղաղության պայմանագրի շուրջ բանակցությունների գործընթացը։ Մենք պատրաստ ենք ամեն կերպ օգնել դրա համակարգման գործում՝ օգտագործելով մեր փորձագիտական ներուժն ու լավ հարաբերությունները այստեղ ներկայացված մեր բարեկամների հետ»,- ընդգծել է Լավրովը։

Եզրափակելով՝ ՌԴ ԱԳ նախարարն ասել է․ «Ակնկալում ենք, որ այս բոլոր հարցերը կքննարկենք պրագմատիկ, կառուցողական մթնոլորտում»։