ՏԵՍԱՆՅՈՒԹ. Զինվորական համազգեստով զինված տղամարդը ներխուժել է ուրիշի առանձնատուն. ՌԴ

Մերձմոսկովյան Շերվուդ գյուղում զինվորական համազգեստով զինված տղամարդը ներխուժել է ուրիշի առանձնատուն։ Դեպքի վայրում հավաքվել են անվտանգության մասնավոր ընկերության աշխատակիցներ, շրջանային ոստիկանության աշխատակից և անվտանգության այլ աշխատակիցներ։ Հայտնում են տեղի լրատվամիջոցները:

Ըստ տեղեկությունների տղամարդը, որը զենքով մտել է Մոսկվայի մարզի Շերվուդ քոթեջային ավանի տուն, մայրաքաղաք է եկել Սիբիրից, և նա հոգեկան հիվանդ է։

Պարբերաբար կրակոցների ձայներ են լսվում։ Հարձակվողին դեռ չեն ձերբակալել, նա տնից կրակում է ուժայինների ուղղությամբ։ 

Նախնական տվյալներով՝ հարձակվողի անունը Վյաչեսլավ է, նա կրակում է Կալաշնիկով ինքնաձիգից։

Զոհերի մասին տեղեկություններ չկան։