ՏԵՍԱՆՅՈՒԹ. Տանկ տեղափոխող բեռնատարը վթարի է ենթարկվել. կան տուժածներ. Ավստրալիա
Ավստրալիայի պաշտպանության նախարարության ռազմական բեռնատարը, որը տեղափոխում էր Abrams տանկ, վթարի է ենթարկվել։ Այս մասին հայտնում է ՏԱՍՍ-ը՝ երկրի պաշտպանության գերատեսչությանը հղումով։ Վթարը տեղի է ունեցել Ռոքհեմփթոն քաղաքի մոտակայքում։
«Դեպքի վայրում ոստիկանության աշխատակիցները հայտնաբերել են լրջորեն վնասված չորս բեռնատար, որոնցից մեկը տանկ էր տեղափոխում, և երեք այրվող ավտոմեքենա»,- ասվում է հաղորդագրության մեջ։
Վթարի հետևանքով տուժել է 6 մարդ, բոլորը տեղափոխվել են մոտակա հիվանդանոցներ։ Երեք մարդ գտնվում է ծայրահեղ ծանր վիճակում։
Վթարի պատճառ դարձած տանկը շարժվում էր դեպի Talisman Saber զորավարժության վայր, որը կանցկացվի Ավստրալիայում 2023 թվականի հուլիսի 22-ից օգոստոսի 4-ը։
