«Մենք չենք կարող լռել այս վայրագությունների առջև». Եվրախորհրդարանի պատգամավոր
Եվրախորհրդարանի պատգամավոր Ֆաբիո Մասիմո Կաստալդոն Ադրբեջանի իշխանություններից պահանջել է անհապաղ դադարեցնել Արցախի շրջափակումը։
«Ավելի քան 7 ամիս առաջ ադրբեջանցի կեղծ էկոակտիվիստը սկսել է Հայաստանը Լեռնային Ղարաբաղի հետ կապող միակ ճանապարհի շրջափակումը։ Ատելությամբ լցված այս վարքագիծը վտանգի տակ է դնում հարյուր հազարավոր մարդկանց կյանքը սննդի բացակայության պատճառով և խոչընդոտում է առողջապահական ծառայությունների հասանելիությունը:
Մենք պահանջում ենք Ադրբեջանի կառավարությունից անհապաղ դադարեցնել այս շրջափակումը և թույլ տալ առաջին անհրաժեշտության ապրանքների տարանցումը։ Մենք չենք կարող լռել այս վայրագությունների առջև, որոնք մարդկության դեմ հանցագործություն են»,- «Թվիթեր»-ում գրել է նա:
