ՏԵՍԱՆՅՈՒԹ. Անհետ կորածի հորն ասել են՝ Մեծամորի մորգից տղուդ տար, թե չէ աջակցությունից կզրկվես
Մինչև փետրվար ամիսը իմ երեխու հետ կապի մեջ եմ եղել․ ուրիշ երկրից գիշերվա ժամերին զանգել է անընդհատ, ինձ հետ չի խոսել, չեն թողել, բայց իր ձայնը, շունչը լսել եմ: Այս մասին այսօր՝ հուլիսի 13-ին, լրագրողների հետ զրույցում հայտարարեց 44-օրյա պատերազմում անհետ կորած զինծառայող Գևորգ Արաբաջյանի հայրը՝ Աղասի Արաբաջյանը, ով հերթական անգամ բողոքի ակցիա է իրականացնում Կառավարության շենքի դիմաց: Փոխանցում է irakanum.am-ը:
Նա նշել է, որ մինչև այսօր որդու դիակն իրեն չեն տվել և պահանջում է՝ պատասխան տալ. «Երկու դիակ են ցույց տալիս՝ առանց ատամնաշարի․․․ Ես իմ երեխու ատամնաշարի քարտը վերցրել եմ ատամնաբույժից, գիտեմ՝ որ ատամն է բացակայում, որն է պլոմբած։ ԴՆԹ թեստ էլ եմ հանձնել հարյուր անգամ․․․ Ուրիշի դիակ են տալիս, ասում են տար հուղարկավորի՝ երկու օրից կքանդես, թե չէ աջակցությունից կզրկվես։
Մանրամասները` տեսանյութում:
