Էրդողանը հայտարարություն է արել Ռուսաստանի և Ուկրաինայի միջև խաղաղության մասին
Թուրքիայի նախագահ Թայիփ Էրդողանը Վիլնյուսում ՆԱՏՕ-ի գագաթնաժողովին հաջորդած մամուլի ասուլիսում ասել է, որ երկիրը կողմ է Ռուսաստանի և Ուկրաինայի միջև խաղաղության հաստատմանը, հավատալով, որ այս դեպքում պարտվողներ չեն լինի։ Այս մասին հայտնում է ՏԱՍՍ-ը։
«Պատերազմում հաղթողներ չկան, ինչպես խաղաղ պայմաններում չկան պարտվողներ։ Մենք ցանկանում ենք մեր տարածաշրջանում խաղաղության հույսը արթնացնել։ Մենք հանդես ենք գալիս Ուկրաինայում արդար խաղաղության հաստատման օգտին»,- ասել է պետության ղեկավարը։
Մինչ այս ՆԱՏՕ-ի գլխավոր քարտուղար Յենս Ստոլտենբերգը մամուլի ասուլիսում հայտարարել էր, որ Ուկրաինայի հարցով բանակցությունները կարող են սկսվել միայն այն դեպքում, եթե Կիևը համապատասխան որոշում կայացնի։
