«Ազովի» պարագլուխների փոխանցումն Ուկրաինային լավ չի բնութագրում թուրքական կողմին. Նարիշկին

Ռուսաստանի արտաքին հետախուզության ծառայության տնօրեն Սերգեյ Նարիշկինը ՏԱՍՍ-ին հայտնել է, որ Թուրքիայի կողմից «Ազով» ազգային գումարտակի հրամանատարներին Կիեւին հանձնելու հետ կապված իրավիճակը լավ չի բնութագրում թուրքական կողմին:

Պատասխանելով այն հարցին, թե արդյոք դրանից հետո արտաքին հետախուզության ծառայությունը կապ է հաստատել Թուրքիայի հետ, Նարիշկինը պատասխանել է․ «Ոչ, այդ իրադարձությունից հետո շփում չի եղել»։

Ուկրաինայի նախագահ Վլադիմիր Զելենսկին ավելի վաղ հայտնել է, որ երկիր են վերադառնում «Ազով» ազգային գումարտակի հինգ հրամանատարները, որոնք գտնվում էին Թուրքիայում։