ՏԵՍԱՆՅՈՒԹ․ Ինչպես է թշնամին նախապատրաստում ականանետը՝ մերոնց ուղղությամբ կրակելու նպատակով․ Թորոսյան

Տեսանյութում թշնամին նախապատրաստում է ականանետը՝ մերոնց ուղղությամբ կրակելու նպատակով։ Այս մասին ֆեյսբուքյան իր էջում հայտնել է «Հանուն Հայ զինվորի» ՀԿ ղեկավար Դավիթ Թորոսյանը և տեսանյութ տարածել։

«Թելեգրամ-ալիքներում է հայտնվել տեսանյութ, որտեղ թշնամին նախապատրաստում է ականանետը՝ մերոնց ուղղությամբ կրակելու նպատակով։ Սա ամենայն հավանականությամբ հուլիսի 7-ի դեպքն է, երբ Արցախի ՊԲ-ն հայտնել էր, որ ադրբեջանական կողմը ականանետից կրակ է բացել Մաճկալաշենում կոմբայնի ուղղությամբ»,- գրել է նա։

Հիշեցնենք՝ հուլիսի 7-ին՝ ժամը 19:00-ից ժամը 19։26֊ն ընկած ժամանակահատվածում Ադրբեջանի ԶՈւ-ն Մարտունու շրջանում խախտել է հրադադարը` հրաձգային զենքից և 60 մմ տրամաչափի ականանետից կրակ բացելով Մաճկալաշեն գյուղի դաշտերում գյուղատնտեսական աշխատանքներ կատարող կոմբայնի ուղղությամբ։