Պեսկովը՝ Վլադիմիր Պուտին-Ռեջեփ Թայիփ Էրդողան հանդիպման մասին
Ռուսաստանի նախագահի մամուլի խոսնակ Դմիտրի Պեսկովը չի բացառում, որ մոտ ապագայում Ռուսաստանի նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի հանդիպումը կկայանա, բայց չի հստակեցնում, թե երբ դա կարող է տեղի ունենալ:
«Ինչ վերաբերում է Պուտինի և Էրդողանի հետագա հանդիպմանը, մենք չենք բացառում, որ այն տեղի կունենա մոտ ապագայում»,- ասել է Պեսկովը։
Նրա խոսքով՝ Պուտինն ու Էրդողանը բավականին հաճախակի շփումներ ունեն։
Հիշեցնենք, երեկ Ստամբուլ է ժամանել Ուկրաինայի նախագահ Վլադիմիր Զելենսկին, երկու երկրների ղեկավարների հիմնական թեման է ռուս-ուկրաինական պատերազմը։
