ԼՈՒՍԱՆԿԱՐՆԵՐ. Փաշինյանը Ղարիբաշվիլի հետ Բաթումում ֆուտբոլային խաղի է հետևել. Անգլիան՝ Եվրոպայի չեմպիոն

Հայաստանի և Վրաստանի վարչապետներ Նիկոլ Փաշինյանը և Իրակլի Ղարիբաշվիլին հետևել են ֆուտբոլի երիտասարդական առաջնության եզրափակիչ խաղին։ Այս մասին տեղեկանում ենք ՀՀ վարչապետի պաշտոնական կայքից։ 

[246b962fa94700bde07f4eb3267633b4.jpg]

[ac4aab007ba9fa613cb5d72945833ab1.jpg]

[d34c39d09c357e59d704978cf2ad9e69.jpg]

[0a33bfe0c170fc3b7a2ee235f1e49461.jpg]

[e37a8c7abb0b9df05eb75100bf7127f9.jpg]

«Վարչապետները այցելել են Բաթում քաղաքի Կենտրոնական մարզադաշտ, որտեղ հետևել են ՈւԵՖԱ-ի Եվրոպայի մինչև 21 տարեկանների առաջնության եզրափակիչ՝ Անգլիա-Իսպանիա մրցավեճին»,-նշված է հաղորդագրությունում: 

[5ec6a9411a9855c0ce235edc34d2efef.jpg]

[d6ebe073a89be7373d4dd9418476eb8d.jpg]

[51add4271b8bd739769e2b865ec8c8ee.jpg]

[fda8e78e213e6c4a294c468861eba697.jpg]

[f1533aad255c821f58c8df775501396d.jpg]

[a6eb708c916919c1c197cfbbd156580f.jpg]

Հիշեցնենք, որ ՀՀ վարչապետ Նիկոլ Փաշինյանն աշխատանքային այցով Վրաստանում է հուլիսի 7-ից։ Նրա և վրացի գործընկերոջ՝ Իրակլի Ղարիբաշվիլիի հանդիպումը կայացել Վրաստանի Բաթում քաղաքում։ Կողմերը քննարկել են Հայաստան-Վրաստան համագործակցության օրակարգային հարցերն ու հեռանկարները։ 

Հայաստանի և Վրաստանի կառավարությունների ղեկավարները ավելի վաղ հանդիպել էին Երևանում: Իրակլի Ղարիբաշվիլիի գլխավորած պատվիրակությունը հունվարի 12-ին այցելել էր Հայաստան՝ մասնակցելու տնտեսական համագործակցության երկկողմ միջկառավարական հանձնաժողովի 12-րդ նիստին: 

Նշենք, որ Եվրոպայի Մ21 առաջնության եզրափակիչում մրցում էին Անգլիայի և Իսպանիայի հավաքականները: Հանդիպումն ավարտվեց անգլիացիների նվազագույն հաշվով հաղթանակով: Հանդիպման միակ գոլը խփեց Ջոնսը 45+4 րոպեին՝ իր թիմին դարձնելով Եվրոպայի չեմպիոն: 

Հարկ է նշել, որ հիմնական ժամանակին ավելացված 8-րդ րոպեին մրցավարը 11 մետրանոց նշանակեց անգլիացիների դարպասին, սակայն Ռուիսի հարվածից հետո դարպասապահը հիանալի գործեց: Անգլիայի Մ21 հավաքականի համար սա 3-րդ հաղթանակն էր այս մրցաշարում: 

[fde3a5418bd4641382fac670f698733c.jpg]

[16a9fc5e79fb1f08cfb4a56df974f296.jpeg]