Սամարայում գործարաններից մեկում պայթյուն է որոտացել․ 6 մարդ է մահացել
Ռուսաստանի Սամարայի մարզի «Պրոմսինթեզ» գործարանում տեղի ունեցած պայթյունի հետևանքով 6 մարդ է մահացել։ Այս մասին հայտնում է РИА Новости-ն։
«Չապաևսկի «Պրոմսինթեզ» գործարանի արտադրամասում վերանորոգման աշխատանքների ժամանակ սարքավորումների ապամոնտաժման հետևանքով պայթյուն է տեղի ունեցել, որի հետևանքով ութ մարդ վիրավորվել է, որոնցից վեցը մահացել են», - РИА Новости-ին ասել է ԱԻՆ-ի ներկայացուցիչը։
«Պրոմսինթեզ»-ը Ռուսաստանում և ԱՊՀ երկրներում արդյունաբերական պայթուցիկ նյութերի հիմնական արտադրողներից է:
