![Լեհաստանը լրացուցիչ ուժեր է ուղարկում Բելառուսի հետ սահման](https://auroranews.am/storage/img/base_image/old/d5fe6f5eb645fcdd73d138589b23ba6c.webp)
Լեհաստանը լրացուցիչ ուժեր է ուղարկում Բելառուսի հետ սահման
![Լեհաստանը լրացուցիչ ուժեր է ուղարկում Բելառուսի հետ սահման](https://auroranews.am/storage/img/base_image/old/d5fe6f5eb645fcdd73d138589b23ba6c.webp)
Վարշավան ոստիկանության 500 սպա կուղարկի Բելառուսի հետ Լեհաստանի սահմանն ամրապնդելու նպատակով, հայտարարել է Լեհաստանի ՆԳՆ ղեկավար Մարիուշ Կամինսկին:
«Բելառուսի հետ սահմանին լարված իրավիճակի պատճառով ես որոշել եմ մեր ուժերն ուժեղացնել 500 ոստիկաններով՝՝ հակաահաբեկչական ստորաբաժանումների», - նրա խոսքը մեջբերում են արեւմտյան լրատվամիջոցները։
Ինչպես հավելել է Կամինսկին, «նրանք կմիանան 5 հազար սահմանապահների և 2 հազար զինվորականների, որոնք հսկում են սահմանը»:
Նշենք՝ Լեհաստանի սահմանապահ պահակախումբը զեկուցել է, որ նախօրեին 187 մարդ փորձել է անօրինական ճանապարհով Բելառուսից մուտք գործել Լեհաստանի տարածք:
Այս շաբաթ ավելի վաղ Լեհաստանի կառավարության փոխվարչապետ Յարոսլավ Կաչինսկին անհրաժեշտ էր համարել միջոցներ ձեռնարկել Բելառուսի հետ սահմանի շրջանում անվտանգության ուժեղացման համար ՝ կապված այդ երկիր «Վագներ» խմբի տեղափոխման հետ: Նա ընդգծել է, որ խոսքը անվտանգության ապահովման ինչպես ժամանակավոր, այնպես էլ մշտական միջոցների մասին է։