ՏԵՍԱՆՅՈՒԹ․ Սուգ և արցունքներ Սոչիում․ սևազգեստ երիտասարդները հրաժեշտ են տվել Tinder-ին

Սոչիում անցկացվել է ռոմանտիկ ծանոթությունների համար նախատեսված Tinder հարթակի թաղման արարողությունը։ Երիտասարդ սգավորները, ամբողջովին սև հագած, երկուական մեխակներով ներկա են գտնվել Ռուսաստանից հեռացած ծանոթությունների կայքի հրաժեշտի արարողությանը և արտասվելով պատմել, թե ինչպես է Tinder-ն օգնել կազմակերպել իրենց անձնական կյանքը: 

Հիշեցնենք, որ Tinder-ը դադարել է գործել Ռուսաստանի տարածքում։ Ինչպես ավելի վաղ հայտնել էր Match Group-ը, որին պատկանում է ծանոթությունների կայքը, Tinder-ը պետք է լքեր ռուսական շուկան մինչև հունիսի 30-ը։ Եվ այդպես էլ եղավ. այժմ հավելվածը հասանելի չէ AppStore-ում և Play Market-ում ներբեռնման համար:
 

Միևնույն ժամանակ, հավելվածն աշխատում է, եթե մուտք եք գործում VPN-ով։ Սակայն РБК-ն գրում է, որ որոշ օգտատերերի համար կայքի վեբ տարբերակը չի աշխատում նույնիսկ VPN-ի միջոցով։