Քեզ որևէ մեկը չի տա ո՛չ Շոյգուին, ո՛չ Գերասիմովին․ Լուկաշենկոն մանրամասներ է ներկայացրել իր և Պրիգոժինի խոսակցությունից
Բելառուսի նախագահ Ալեքսանդր Լուկաշենկոն այսօր՝ հունիսի 27-ին մանրամասներ է ներկայացրել, թե ինչ է խոսել «Վագներ» մասնավոր ռազմական կազմակերպության ղեկավար Եվգենի Պրիգոժինի հետ, և, թե ինչ պահանջներ է ունեցել Պրիգոժինը։
«Ես ասում եմ․ «Ի՞նչ ես ուզում», «Ես ախր, ոչինչ, Ալեքսանդր Գրեգորիի, չեմ ուզում։ Թող ինձ տան Շոյգուին ու Գերասիմովին։ Եվ ես պետք է հանդիպեմ Պուտինի հետ»: Ես ասում եմ. «Ժենյա՛, քեզ որևէ մեկը չի տա ո՛չ Շոյգուին, ո՛չ Գերասիմովին, մանավանդ այս իրավիճակում։ Դու ախր Պուտինին ինձնից ոչ պակաս գիտես: Երկրորդ, նա ոչ միայն քեզ հետ չի հանդիպի, այլև հեռախոսով չի խոսի այս իրադրության պայմաններում»: Լռում է»,- ասել է Լուկաշենկոն։ Այս մասին գրում է БЕЛТА-ն։
Ըստ նրա՝ Պրիգոժինն ասել է․
«Բայց մենք արդարություն ենք ուզում, մեզ ուզում են խեղդել։ Մենք գնալու ենք Մոսկվա»:
«Ես ասում եմ. «Ճանապարհի կեսին քեզ պարզապես կտրորեն, ինչպես թրթուրին: Չնայած այն հանգամանքին, որ զորքերը (այդ մասին Պուտինը երկար ժամանակ ասել է ինձ) կենտրոնացած են համապատասխան ճակատում»: Մտածի՛ր, ասում եմ։ «Ոչ»-ը նման էյֆորիա է»,- պատմել է Բելառուսի նախագահը։
Երկրի նախագահը նշել է, որ երկար ժամանակ է պահանջվել Պրիգոժինին համոզելու համար․
«Եվ վերջում ասացի. «Գիտե՞ս, կարող ես անել այն, ինչ ուզում ես։ Բայց ինձնից մի նեղացիր, բրիգադը պատրաստվում է տեղափոխվել Մոսկվա: Եվ ինչպես 1941 թվականին (դու ախր գրքեր ես կարդում, կիրթ, խելացի մարդ ես), մենք կպաշտպանենք Մոսկվան։ Որովհետև այս իրավիճակը միայն Ռուսաստանում չէ: Սա ոչ միայն այն պատճառով է, որ դա մեր հայրենիքն է, այլև, Աստված չանի, այս իրարանցումը տարածվի ամբողջ Ռուսաստանում (և դրա նախադրյալները հսկայական էին), մենք հաջորդն էինք»:
«Խորհրդային իշխանության հաղթարշավը նույնն է: Մոտ 100,000 բոլշևիկներ շուռ տվեցին Ռուսաստանը: Առանց զենքի: Ես ինքս ինձ հարց եմ տալիս. «Իսկ ի՞նչ, մեզ մոտ, Ռուսաստանում ամեն ինչ այդքան լա՞վ է»: Չէ հա։ Ավելի քան պատճառներ կան, որ այս իրարանցումը սկսվի, գլորվի ամբողջ Ռուսաստանով ու հասնի մեզ։ Պետք է ձգան։ Եվ այն հայտնվեց»,- ասել է Լուկաշենկոն։
