Պրիգոժինի ապստամբության օրը ԱՄՆ-ն և դաշնակիցները Կիևին խնդրել են զերծ մնալ Ռուսաստանին հարվածելուց
Պրիգոժինի ապստամբության օրը ԱՄՆ-ն և արևմտյան դաշնակիցները զանգահարել են Կիև և խնդրել զերծ մնալ Ռուսաստանին հարվածներից։ Այս մասին հայտնում է CNN-ը։
«Մտավախությունն այն էր, որ Ուկրաինան և Արևմուտքը կդիտարկվեն որպես օգնող Պրիգոժինին և սպառնալիք Ռուսաստանի ինքնիշխանությանը», - ասել է արևմտյան պաշտոնյան:
Ըստ CNN-ի «մեսիջն այն էր, որ այստեղ նավակը չճոճվի»։ Ուղերձը փոխանցվել է արտգործնախարարների, պատգամավորների մակարդակով և դեսպանների միջոցով։
Հիշեցնենք՝ հունիսի 24-ին, «Վագներ» զորախումբն ապստամբություն էր սկսել և գիշերը մտել Դոնի Ռոստով, այնուհետև շարժվել դեպի Մոսկվա, բայց նրանք չէին հասել մայրաքաղաք։
