Ինչու է Պրիգոժինը դադարեցրել առաջախացումը դեպի Մոսկվա. The Telegraph

Ռուսական հետախուզական ծառայությունները սպառնացել են վնասել «Վագներ» մասնավոր ռազմական ընկերության առաջնորդների ընտանիքներին այն ընթացքում, երբ ընկերության հիմնադիր Եվգենի Պրիգոժինը շարժվում էր դեպի Մոսկվա և դեռ չէր չեղարկել իր առաջխաղացումը: Այս մասին գրում է The Telegraph-ը՝ նշելով, որ այս են վկայում Մեծ Բրիտանիայի անվտանգության աղբյուրները:

Ընդ որում, ըստ տվյալների՝ «Վագներ»-ն ունեցել է ընդամենը 8000 մարտիկ, այլ ոչ թե հայտարարված 25.000-ը, ինչը նշանակում է, որ այն հավանական պարտություն կկրեր Ռուսաստանի մայրաքաղաքը գրավելու ցանկացած փորձի ժամանակ:

The Telegraph-ի հոդվածում նշվում է նաև, որ ՌԴ նախագահ Վլադիմիր Պուտինն այժմ կփորձի «Վագներ»-ի մարտիկներին ձուլել ռուս զինվորականների մեջ:

Բացի այդ, վերլուծությունն անդրադառնում է առեղծվածին առ այն, թե ինչու է Պրիգոժինը դադարեցրել իր ապստամբական երթը դեպի Մոսկվա, երբ մայրաքաղաք հասնելուն ընդամենը մի քանի ժամ էր մնացել: Առայժմ մնում են ենթադրություններ այն մասին, թե ինչ պաշտոնական գործարք է կնքվել կողմերի միջև, եթե, իհարկե, նման բան եղել է:

Կրեմլը շաբաթ հայտարարել է, որ Պրիգոժինը կմեկնի Բելառուս՝ դավաճանության մեղադրանքով ներում ստանալու դիմաց։ Պրիգոժինի կողմից Կրեմլից առաջարկի վերաբերյալ որևէ մեկնաբանություն չի եղել: Անհասկանալի է նաև՝ Ռուսաստանի պաշտպանության նախարար Սերգեյ Շոյգուն կշարունակի պաշտոնավարե՞լ, թե՞ պաշտոնանկ արվի, ինչպես պահանջում էր Պրիգոժինը:

Հիշեցնենք՝ Պուտինի նախկին խոհարար, «Վագների» առաջնորդ Պրիգոժինը հայտարարել էր, թե ՌԴ ՊՆ Շոյգուն որոշել է ոչնչացնել իր խմբավորումը։ Նա կոչ էր արել մարդկանց ոտքի կանգնել ու վերջ տալ Շոյգուի «ամենաթողությանը»։