ՏԵՍԱՆՅՈՒԹ․ Ավազե փոթորիկ՝ Իրանի Սիստան և Բելուջիստան նահանգում․ կան հոսպիտալացվածներ
Իրանի Սիստան և Բելուջիստան նահանգում ավազե փոթորիկ է գրանցվել, հայտնում են տեղի ԶԼՄ-ները։
Ըստ որոշ տեղեկությունների՝ բուժկենտրոններ է դիմել 330 մարդ, որոնցից 57-ը հոսպիտալացվել են։
Սիստան և Բելուջիստանի օդերևութաբանության գլխավոր տնօրենը հայտնել է, որ այս կիրակի նահանգի Զաբոլ շրջանին հարվածել են մինչև 97 կմ/ժ ուժգնությամբ քամիներ, և առաջացած փոշին տեղի օդանավակայանի տարածքում հորիզոնական տեսանելիությունը իջեցրել է մինչև 350 մետր:
Նշվում է, որ փոթորիկի ուժգնությունը կնվազի միայն երեքշաբթի, իսկ մինչ այդ նահանգի հարավային շրջաններում և կենտրոնական բարձրադիր գոտիներում կստեղծվեն ջրանցքների և սեզոնային գետերի վարարման պայմաններ։ Կլինի նախազգուշացման նարնջագույն մակարդակ։
