ՏԵՍԱՆՅՈՒԹ․ Պայթյուն Կիևի բազմաբնակարան շենքերից մեկում․ կան զոհ և տուժած
Կիևում 16-հարկանի բնակելի շենքում պայթյունի հետևանքով երկու մարդ է տուժել։ Այս մասին հայտարարել է քաղաքապետ Վիտալի Կլիչկոն։
«Մայրաքաղաքի Դնեպրովսկի թաղամասում տեղի ունեցած պայթյունի հետեւանքով այրվում է 16 հարկանի շենք, բոլոր մասնագետները տեղում աշխատում են»,- գրել է նա թելեգրամյան իր ալիքում։
Կլիչկոն նախ հաղորդել է երկու հոսպիտալացման մասին: Սակայն ավելի ուշ գրել է, որ մեկ մարդ մահացել է։
«Դեսնյանսկի թաղամասի 16 հարկանի շենքի վնասված հատվածի փլատակներում փրկարարները հայտնաբերել են 1 մահացածի դի»,- պարզաբանել է նա։
Կլիչկոն հայտնել է, որ շենքում ավերածություններ կան, փրկարարներն արդեն տարհանել են 18 մարդու։
Ուկրաինայի արտակարգ իրավիճակների պետական ծառայության մամուլի ծառայությունից հայտնել են, որ շենքի բնակարաններից մեկում գազ է պայթել։ Միջադեպի հետեւանքով չորս բնակարան է ավերվել, ևս 16-ը վնասվել է։ Հրշեջ-փրկարարները մարել են կրակը.
