Թեհրանը պնդում է ուրանը հարստացնելու իր իրավունքի վրա՝ նույնիսկ պատերազմի հանգեցնի․ Արաղչի
Թուրքիայի և Իրանի արտաքին գործերի նախարարներ Հաքան Ֆիդանը և Աբբաս Արաղչին հեռախոսազրույցով քննարկել են Իրանի միջուկային ծրագրի շուրջ բանակցությունների ներկայիս վիճակը, ՌԻԱ Նովոստիին հայտնել է Թուրքիայի արտաքին գործերի նախարարության աղբյուրը։
«Արտաքին գործերի նախարար Հաքան Ֆիդանը այսօր հեռախոսազրույց է ունեցել Իրանի արտաքին գործերի նախարար Աբբաս Արաղչիի հետ։ Զրույցի ընթացքում քննարկվել են միջուկային ծրագրի շուրջ ընթացող բանակցությունները», - ասել է աղբյուրը։
Հունվարի 28-ին ԱՄՆ նախագահ Դոնալդ Թրամփը հայտարարել է, որ ամերիկյան նավերի «նավատորմը» ուղևորվում է դեպի Իրան։ Նա հույս է հայտնել, որ Թեհրանը կհամաձայնի բանակցել և հասնել «գործարքի», որը ենթադրում է միջուկային զենքի լիակատար վերացում։
Անցյալ ուրբաթ ԱՄՆ-ի և Իրանի պատվիրակությունները բանակցություններ են վարել իրանական միջուկային ծրագրի շուրջ Օմանի մայրաքաղաք Մուսկատում, և Թրամփը հայտարարել է, որ բանակցությունները լավ են ընթացել և կշարունակվեն այս շաբաթ։ Միևնույն ժամանակ, Իսլամական Հանրապետության արտաքին գործերի նախարարության ղեկավար Աբբաս Արաղչին կիրակի օրը հայտնել է, որ Թեհրանը պնդում է ուրանը հարստացնելու իր իրավունքի վրա, նույնիսկ եթե դա հանգեցնի պատերազմի։
